ХУУЛИЙН ХЭЛТСИЙН ЧИГ ҮҮРЭГ

Нэг. Тээврийн салбарын хууль тогтоомж, захиргааны хэм хэмжээний акт, хөдөлмөрийн дотоод хэм хэмжээний хэрэгжилтийг хангах үйл ажиллагааны хүрээнд:

• Газрын үйл ажиллагаанд тээврийн салбарын хууль тогтоомж, захиргааны хэм хэмжээний акт, хөдөлмөрийн дотоод хэм хэмжээний хэрэгжилтийг хангах талаар газрын даргаас өгсөн үүрэг, даалгаврыг хэрэгжүүлэх;
• Бүтцийн нэгж, тэдгээрийн албан хаагчдаас боловсруулсан тушаалын төслийг хянах, зөвөлгөө өгөх, шаардлагатай тохиолдолд эрх бүхий албан тушаалтанд уламжлах;
• Газрын удирдлага, бүтцийн нэгжийн дарга, албан хаагчдын хууль хэрэгжүүлэх үйл ажиллагаанд хууль зүйн туслалцаа, дэмжлэг үзүүлэх, зөвлөгөө, мэдээллээр хангах;
• Газраас төрийн болон төрийн бус байгууллага, аж ахуйн нэгж, байгууллага, иргэнтэй байгуулах гэрээний төсөл боловсруулахад оролцох, хянах, зохион байгуулах, биелэлтэд хяналт тавих;
• Удирдлагын шийдвэрээр аливаа хэрэг маргаан хянан шийдвэрлэх ажиллагаанд байгууллагын итгэмжлэгдсэн төлөөлөгчөөр оролцох;
• Газрын даргын шийдвэрээр бүтцийн нэгжийн удирдлага, албан хаагчдын хууль тогтоомж, захиргааны хэм хэмжээний акт, хөдөлмөрийн дотоод хэм хэмжээний хэрэгжилтийг хангаж буй үйл ажиллагаанд үнэлэлт дүгнэлт өгөх, илэрсэн зөрчил, дутагдлыг арилгуулах талаар санал дүгнэлт боловсруулах, энэ чиглэлээр удирдлагыг мэдээллээр хангах;
• Газрын удирдлага, холбогдох хэлтсээс зохион байгуулж буй ажил, арга хэмжээнд оролцох, хэлтсийн үйл ажиллагааг байгууллагын дотоод нэгжүүдийн өдөр тутмын үйл ажиллагаатай уяалдуулан зохион байгуулах;
• Авлигын эсрэг хуульд заасан эрх бүхий албан тушаалтны чиг үүрэг болон Төрийн болон албаны нууцын тухай хуульд заасан нууц хамгаалах ажилтны чиг үүргийг хэрэгжүүлж, Байгууллагын нууцын тухай, Хүний хувийн мэдээллийг хамгаалах тухай хуулийн хэрэгжилтийг хангах.

Хоёр. Тээврийн салбарын хууль тогтоомж, захиргааны хэм хэмжээний акт, хөдөлмөрийн дотоод хэм хэмжээг боловсронгуй болгох үйл ажиллагааны хүрээнд:

2.1. Тээврийн салбарын хууль тогтоомж, захиргааны хэм хэмжээний акт, хөдөлмөрийн дотоод хэм хэмжээний хэрэгжилтийн үр дагаврыг судлах, тэдгээрийг боловсронгуй болгох ажлыг зохион байгуулах, төсөл боловсруулах, дээд шатны байгууллагад хүргүүлэх,  эрх бүхий албан тушаалтны шийдвэрээр төсөл боловсруулах Ажлын хэсэгт оролцох;

2.2. Хууль тогтоомж, захиргааны хэм хэмжээний акт, хөдөлмөрийн дотоод хэм хэмжээнд нийцүүлэн удирдлагын шийдвэр, эрх зүйн баримт бичгийн төсөл боловсруулахад дэмжлэг үзүүлэх, оролцох, тэдгээрийн төслийг хянах, санал гаргах.

Гурав. Тээврийн салбарын хууль тогтоомж, захиргааны хэм хэмжээний акт, хөдөлмөрийн дотоод хэм хэмжээг сурталчилах үйл ажиллагааны хүрээнд

3.1. Тээврийн салбарын хууль тогтоомж, захиргааны хэм хэмжээний акт, хөдөлмөрийн дотоод хэм хэмжээний талаар газрын албан хаагчдад болон иргэд, аж ахуйн нэгж, байгууллагуудад мэдээлэл тогтмол хүргэх ажлыг бүтцийн нэгжийн удирдлага, албан хаагчидтай хамтран зохион байгуулах;

3.2. Газрын албан хаагчдын ажлын хэрэгцээ шаардлага, тэдгээрийн хууль ёсны эрх ашиг сонирхлыг хамгаалах зорилгоор эрх зүйн сургалт, сурталчилгааны ажлыг явуулах, хүний эрхийг хангах, хамгаалах ажилд манлайлан оролцох, зөвөлгөө өгөх;

3.3. Тээврийн салбарын хууль тогтоомж, захиргааны хэм хэмжээний акт, хөдөлмөрийн дотоод хэм хэмжээний хүрээнд төрийн болон төрийн бус байгууллагатай, аж ахуйн нэгж байгууллагатай хамтран ажиллах.

Дөрөв. Тээврийн салбарын хууль тогтоомж, захиргааны хэм хэмжээний акт, хөдөлмөрийн дотоод хэм хэмжээ, эрх зүйн мэдээллийн сан бий болгох үйл ажиллагааны хүрээнд

• Байгууллагын эрх зүйн цахим мэдээллийн санг үүсгэж, баяжуулалт, өөрчлөлт, хөдөлгөөнийг тогтмол хийх;
• аливаа хэрэг маргаан хянан шийдвэрлэх ажиллагааны мэдээллийн санг үүсгэх, тогтмол баяжилт хийх, статистик, болон байгууллагын үйл ажиллагаатай холбоотой хянан шийдвэрлэгдсэн шүүхийн шийдвэрүүдэд дүн шинжилгээ хийх, удирдлагыг мэдээллээр хангах, санал боловсруулж  танилцуулах;
• Хэлтсийн хэмжээнд албан хэрэг, архивын үйл ажиллагааг холбогдох хууль тогтоомж, стандартад нийцүүлэн хэрэгжүүлэх.